უკრაინის პრემიერ-მინისტრი ვლადიმერ გროისმანი თავის „Facebook“ გვერდზე გაცნობიერებულად ადანაშაულებს რუსეთს, უკრაინაში მცხოვრები რუსი ჟურნალისტის, არკადი ბაბჩენკოს მკლვლელობაში.

"დარწმუნებული ვარ, რომ რუსეთის ტოტალიტარულმა მანქანამ მას არ აპატია პატიოსნება და პრინციპულობა. ის იყო უკრაინის ნამდვილი მეგობარი, რომელიც უყვებოდა მსოფლიოს სიმართლეს რუსეთის აგრესიის შესახებ" - წერს გროისმანი თავის ინტერნეტ გვერდზე.

უკრაინის საგარეო საქმეთა მინისტრმა პავლე კლიმკინმა განაცხადა, რომ ჯერ კიდევ ადრეა დასკვნების გამოტანა.

„თუმცა, ანალოგიური შემთხვევები გვაფიქრებინებს, რომ რუსეთი იყენებს სხვადასხვა სახის ტაქტიკებსაც უკრაინის დესტაბილიზაციისთვის. კერძოდ, აწყობს ტერაქტებს, აწარმოებს დივერსიულ და პოლიტიკური მკვლელობებს“ - განაცხადა კლიმკინმა გაეროს უშიშროების საბჭოს სხდომაზე.  

უკრაინის შინაგან საქმეთა სამინისტრომ გამოაქვეყნა ბაბჩენკოს შესაძლო მკვლელის ფოტორობოტი. მასზე გამოსახულია მამაკაცი საშუალო წვერით და სპორტული მაისურით. დაახლოებითი ასაკი 40-45 წელი, სიმაღლე 175-180. 

ბაბჩენკოს მკვლელობის ფაქტის შესახებ უკრაინის პოლიციამ აღძრა სისხლის სამართლის საქმე.

შეგახსენებთ, რომ ჟურნალისტი ანდრეი ბაბჩენკო ცნობილი იყო ვლადიმერ პუტინის კრიტიკით. რის გამოც ჟურნალისტი რუსერთში დევნის ობიექტი იყო.