იუსტიციის მინისტრს რაც შეეხება, პოლიტიკურად პასუხისმგებელი პირი პროკურატურის სისტემაზე, უფრო მეტად ვიდრე სასამართლო სისტემაზე, არის იუსტიციის მინისტრი, - ამის შესახებ „შენების მოძრაობის“ ლიდერმა დავით უსუფაშვილმა განაცხადა. 

მისი თქმით, როდესაც ხელისუფლება იღებდა პროკურორის გადადგომის პოლიტიკურ გადაწყვეტილებას, მას ცოტა გამიკვირდა, რადგან სწორედ პროკურორი არის ის ადამიანი, ვინც ვადით არის დანიშნული და დაცულია ბევრი სამართლებრივი ნორმით და მინისტრია ის ფიგურა, რომელიც პოლიტიკურ პასუხისმგებლობას იღებს ხოლმე. 

უსუფაშვილმა მთავარი პროკურორობის კანდიდატებზეც ისაუბრა და აღნიშნა, რომ შალვა შავგულიძე, ანა დოლიძე და ლია მუხაშავია  - სამივე ამ თანამდებობას შეესაბამება. მისივე თქმით, ხელისუფლებამ ამ წრიდან უნდა აარჩიოს, სხვა შემთხვევაში პროცესების ცოტა სხვა მიმართულებით განვითარებას მივიღებთ. 

„ვთვლით, რომ მთავარ პროკურორად გვჭირდება მაღალი ნდობის მქონე ადამიანი. დასახელდა საინტერესო კანდიდატურები: შალვა შავგულიძე, ანა დოლიძე, ლია მუხაშავრია, სამივეს ის თვისებები აქვს, რომელიც სჭირდება პროკურორს. ხელისუფლებამ ამ წრიდან უნდა აარჩიოს, სხვა შემთხვევაში პროცესების ცოტა სხვა მიმართულებით განვითარებას მივიღებთ. იუსტიციის მინისტრს რაც შეეხება, პოლიტიკურად პასუხისმგებელი პირი პროკურატურის სისტემაზე, უფრო მეტად ვიდრე სასამართლო სისტემაზე, არის იუსტიციის მინისტრი. ამიტომ, როდესაც ხელისუფლება იღებდა პროკურორის გადადგომის პოლიტიკურ გადაწყვეტილებას, მე ცოტა გამიკვირდა, იმიტომ რომ სწორედ პროკურორი არის ის ადამიანი, ვინც ვადით არის დანიშნული და დაცულია ბევრი სამართლებრივი ნორმით და მინისტრია ის ფიგურა, რომელიც პოლიტიკურ პასუხისმგებლობას იღებს ხოლმე. მე თავიდანვე გამიკვირდა, როდესაც მოხდა პირიქით. პოლიტიკური პასუხისმგებლობა თუ იყო დანახული ხელისუფლების მხრიდან, მაშინ პოლიტიკური პასუხისმგებლობის მქონე პირი უნდა შეცვლილიყო. რაც შეეხება შოთაძეს, მას, რა თქმა უნდა, შეეძლო საქმე უკეთ წარემართა, მაგრამ მე მას კარგად ვიცნობ და ვიცი, რომ თავისი ინიციატივით ეს კაცი ცუდი საქმეების გამკეთებელი არ იყო. მე არ ვამბობ, რომ იუსტიციის მინისტრის ავალებდა ცუდი საქმეების კეთებას, მაგრამ თავად პოლიტიკური ქუდი არის დამნაშავე იმ ვითარებაში, რაშიც პროკურატურაა“, - განაცხადა დავით უსუფაშვილმა.