ბრიტანეთში ლორდებს პარლამენტის სხდომებზე ძილი აეკრძალათ
დიდი ბრიტანეთის ლორდთა პალატის წევრებს გადასცეს დოკუმენტი, სადაც ჩამოთვლილია პოლიტიკოსების მოქცევის წესები პარლამენტში. ლორდებს ეკრძალებათ სხდომების დროს ყვირილი, ხმამაღალი საუბარი და ძილი.
ბრიტანეთის პარლამენტში ახალი წესების შესახებ The Times-ი იუწყება.
გაზეთის ცნობით, დოკუმენტის ავტორები აღნიშნავენ, რომ ბოლო დროს ზედა პალატის წევრები დებატებზე არასათანადოდ იქცეოდნენ. კერძოდ, ლორდებს მნიშვნელოვანი საკითხების განხილის დროს ეძინათ, ხშირად ყვიროდნენ და ხმამაღლა საუბრობდნენ.
