იმ ეზოში მომხდარი ბავშვთა შორის მკვლელობა იყო, ყველაზე დიდი ტრაგედია ალბათ, რაც ოჯახებს, ნებისმიერ მხარეს შეიძლება დაატყდეს თავს. მაგრამ მე კიდევ სხვა ცუნამი მახსენდება – ეს არის სანდრო გირგვლიანის საქმე და ქალბატონო ელენე, თქვენ სანდროს მეგობარი იყავით და შეხედეთ, ახლა ვისთან ერთად ხართ პარტიაში და ამის მერე დამისვით კითხვები,  – ასე მიმართა იუსტიციის მინისტრობის კანდიდატმა თეა წულუკიანმა კომიტეტების გაერთიანებულ სხდომაზე "ევროპული საქართველოს" წევრს, ელენე ხოშტარიას.

წულუკიანის განცხადებით, ცუნამი კი არა, უარესი დატრიალდა სარალიძის, სუბელიანის, დადუნაშვილის და ბევრი სხვა ოჯახის თავზე.

„ელენე ხოშტარია ოჯახის თავზე დატრიალებულ ცუნამებზე მელაპარაკება. დიახ, ცუნამი კი არა, უარესი დატრიალდა ბატონი სარალიძის, სუბელიანის, დადუნაშვილის და ბევრი სხვა ოჯახის თავზე. არ ვიცი, რა შეიძლება იყოს ამაზე დიდი ტრაგედია. არც ერთ მშობელს და ოჯახის წევრს არ ვუსურვებ, რომ მისმა შვილმა სხვა ბავშვი მოკლას ან მისი შვილი იქნეს სხვა ბავშვის მიერ მოკლული“, – განაცხადა წულუკიანმა.