საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი მსოფლიო ბანკის ფინანსური მხარდაჭერით,  „სახელმწიფოსა და კერძო სექტორის ინვესტიციის“  (PPI) პროექტის მეორე ეტაპს იწყებს.პროექტის მიზანია, ხელი შეუწყოს  მუნიციპალიტეტებში კერძო ბიზნესის განვითარებას, შექმნას დამატებითი სამუშაო ადგილები, შეიტანოს წვლილი აგრობიზნესის განვითარებასა და ტურიზმის გაძლიერებაში, რაც  ხელს შეუწყობს ადგილობრივი მოსახლეობის სოციალურ-ეკონომიკური პირობების გაუმჯობესებას.  
პროექტის ფარგლებში, საქართველოს მთავრობა ტურიზმსა და აგრობიზნესში ჩართულ ბიზნესმენებს, საქმიანობის გაფართოებისა და დამატებითი სამუშაოების შექმნის სანაცვლოდ, კომუნალური ინფრასტრუქტურისმოწესრიგებაში დაეხმარება.
პროექტის პრეზენტაციას საქართველოს რეგიონული განვითარებისა და ინფრასტრუქტურის მინისტრის პირველი მოადგილე ილია დარჩიაშვილი, მუნიციპალური განვითარების ფონდის აღმასრულებელი დირექტორი ჯუანშერ ბურჭულაძე, მსოფლიო ბანკის მდგრადი განვითარების პროგრამების კოორდინატორი სამხრეთ კავკასიაში,  აჰმედ ეივეიდა და ბიზნესის წარმომადგენლები ესწრებოდნენ. შეხვედრაზე მოწვეულ  50-ზე მეტ  ბიზნესმენს,  ინფრასტრუქტურის სამინისტროსა და  მგფ-ის  ხელმძღვანელმა პირებმა პროექტის მიზანსა და მნიშვნელობაზე დეტალური ინფორმაცია მიაწოდეს და„სახელმწიფოსა და კერძო სექტორის ინვესტიციის“  (PPI) პირველ ეტაპის შედეგები გააცნეს.
პროექტის პირველი ეტაპზე, რომელიც მხოლოდ კახეთის რეგიონს მოიცავდა, მუნიციპალური განვითარების ფონდი ათამდე ბიზნესმენს დაეხმარა. მათ შორის: გაკეთდა სასტუმრო „როიალ ბატონამდე“ და სასტუმრო „ლოპოტამდე“    მისასვლელი გზა, ჩატარდა წყალმომარაგებისსისტემისრეაბილიტაცია შპს„შუხმანვაინზჯორჯიაში" და ა.შ.  
დაინტერესებული ბიზნესმენები, დეტალური ინფორმაციის მისაღებად, უნდა ეწვიონ პროექტისვებგვერდს:  http://mdf-ppi.biz ;  საინვესტიციო წინადადებებს,  წინასწარ განსაზღვრული კრიტერიუმების შესაბამისად, სპეციალური კომისია შეაფასებს.