კანადაში ძლიერი სიცხის გამო 17 ადამიანი დაიღუპა
კანადაში ძლიერი სიცხის გამო გარდაცვლილთა რაოდენობამ 17-ს მიაღწია.
მედიის ცნობით, 12 ადამიანი ანომალიური სიცხის შედეგად ქალაქ მონრეალში დაიღუპა, სადაც ტემპერატურამ 40 გრადუსს მიაღწია. მოსალოდნელია, რომ მაღალი ტემპერატურა კიდევ ორ დღეს შენარჩუნდება.
კიდევ ხუთი ადამიანი გარდაიცვალა აღმოსავლეთ კანტონის რეგიონში. ძლიერი სიცხეებია ასევე სამხრეთ ონტარიოს ოლქშიც.
ხელისუფლება საგანგებო ზომებს იღებს, გაიზარდა აუზების სამუშაო დრო. ასევე მონრეალსა და ტორონტოში ხელისუფლებამ შექმნა გამაგრილებელი ცენტრები, რომლებიც აღჭურვილია კონდიციონერებითა და ცივი სასმელებით.
