„ქართულ ოცნებას“ არ ეკადრება, გუნდის წევრებმა ერთმანეთს შეურაცხყოფა სახალხოდ მიაყენონ, - ამის შესახებ პარლამენტის ადამიანის უფლებათა დაცვის კომიტეტის თავმჯდომარე სოფო კილაძემ პარტიიდან დავით ჭიჭინაძის გარიცხვასთან დაკავშირებით განაცხადა.

მისი თქმით, სამწუხაროდ, დავით ჭიჭინაძე პარტიულ დისციპლინას არღვევდა და გუნდის წევრებს წარმოუდგენელი შეურაცხყოფა არაერთხელ მიაყენა, რაც ცუდია.

„საზოგადოებას პარტიაში არსებული გასხვავებული აზრი არაერთხელ გაუგია, რაც ნორმალურია. პირადად მე, განსხვავებული აზრი დამიფიქსირებია, მაგრამ ამისთვის პარტიიდან არავის გავურიცხივარ. მთავარი, რაც არ გამიკეთებია, ისაა, რომ პარტიაში სხვა ადამიანისთვის შეურაცხყოფა არ მიმიყენებია. ღრმად ვარ დარწმუნებული, რომ დავით ჭიჭინაძის გარიცხვის საფუძველი კრიტიკული აზრი არ იყო, არამედ ეს იყო შეურაცხყოფა, რაც დაუშვებელია”, – განაცხადა კილაძემ.