იაპონიას წყალიდობისგან მიყენებული ზიანი ჯერ მოშუშებული არ აქვს და მოსახლეობა ახლა ძლიერ სიცხეს ებრძვის. ჰაერის მაღალ ტემპერატურას უკვე 30 ადამიანი ემსხვერპლა. ათასი ადამიანი კი საავადმყოფოებშია მოთავსებული.  

გარდაცვლილთა უმეტესობა ხანდაზმული ადამიანი, თუმცა მათ შორის არიან ბავშვებიც. 6 წლის ბიჭი ქუჩაში მიმდინარე გაკვეთილის დროს  მზის დარტყმის შედეგად გარდიაცვალა.

მეტეოროლოგებმა დღეს ყველაზე მაღალი ტემპერატურა - 41,1 გრადუსი დააფიქსირეს.

ტემპერატურის რეკორდი აღინიშნა ქალაქ კუმაგაის ერთ-ერთ რაიონში. ტოკიოში ტემპერატურამ ორშაბათს 40,8 გრადუსს მიაღწია.

ხელისუფლება მოსახლეობას შენობებში დარჩენასა და კონდიციონერების გამოყენებას ურჩევს. სკოლებმა კი ხელისუფლების რეკომენდაციით ქუჩებში მეცადინეობების ჩატარება შეწყვიტეს.