იაპონიაში მიწისძვრის შედეგად დაღუპულთა რაოდენობა გაიზარდა
იაპონიის კუნძულ ჰოკაიდოზე მომხდარი ძლიერი მიწისძვრის შედეგად დაღუპულთა რაოდენობა 16-მდე გაიზარდა. 26 ადამიანი დაკარგულად არის მიჩნეული.
ოთხშაბათს ღამით ჰოკაიდოზე 6,7 მაგნიტუდის მიწისძვრა მოხდა, ეპიცენტრი იბურის რაიონში დაფიქსირდა. კერა 37 კმ სიღრმეში მდებარეობდა.
აცუმის რაიონში, მიწისძვრას მეწყერი მოყვა. სამაშველო სამუშაოები გრძელდება.
კუნძულზე თითქმის სრულად გაითიშა ელექტროენერგია და 3 მილიონი სახლი შუქის გარეშე დარჩა. დღეს დილისთვის ელქტრომომარაგება 964 ათას სახლს აღუდგა. ელეტროენერგიის მიწოდების აღდგენას ერთი კვირა მაინც დასჭირდება.
