კომპიუტერის აფეთქების შედეგად 6 ადამიანი დაშავდა მადრიდის მეტროში
ექვსი ადამიანი დაშავდა მადრიდის მეტროში ნოუთბუქის აფეთქების შედეგად.
გაზეთ El Mundo-ს ცნობით, კომპიუტერი ერთ-ერთი მგზავრის ჩანთაში იდო. სხვებთან ერთად დაშავდა ნოუთბუქის მფლობელიც.
აფეთქების შემდეგ მატარებლის ვაგონში დაიწყო პანიკა, მგზავრებს თავდაპირველად ეგონათ, რომ ტერაქტი მოხდა.
ინციდენტი „პრინსიპე დე ვარგარას“ მეტროსადგურზე მოხდა. შემთხვევის ადგილზე პოლიციელები და სასწრაფო დახმარების ბრიგადები მივიდნენ.
