თბილისის მერი დღეს,  „ქართული ოცნების“ სხვა წარმომადგენლებთან ერთად, სალომე ზურაბიშვილის საარჩევნო შტაბის გახსნას დაესწრო. ის დარწმუნებულია, რომ საპრეზიდენტო არჩევნებში სალომე ზურაბიშვილი გაიმარჯვებს.

„სალომე ზურაბიშვილს პარტია „ქართული ოცნების“ მხარდაჭერა აქვს. საარჩევნო კამპანია დაწყებულია. კიდევ ერთხელ მინდა „ქართული ოცნების“ მხარდამჭერებს მოვუწოდო, ჩვენ ყველაფერი უნდა გავაკეთოთ, რომ  დამოუკიდებელ კანდიდატს დავუჭიროთ მხარი. დარწმუნებული ვარ, 28 ოქტომბერს სალომე ზურაბიშვილი აუცილებლად გაიმარჯვებს. არანაირი შესაძლებლობა და შანსი არ უნდა დავუტოვოთ ადამიანებს, რომლებმაც ძალიან დიდი წვლილი შეიტანა იმაში, რომ დღეს ჩვენი ქვეყანის  ტერიტორიების დაახლოებით 20 პროცენტი ოკუპირებულია. ამ ადამიანებმა ძალიან დიდი როლი ითამაშეს, რომ ჩვენ ასეულობით სოფელი და მებრძოლი გმირები დავკარგეთ. მშვიდობიანი მოსახლეობა დაიღუპა. ეს ყველაფერი არ უნდა დავუშვათ“, – განაცხადა კახა კალაძემ.