პროკურატურის ინფორმაცია კიდევ ერთხელ ადასტურებს, რა ხალხთან და რა „პოლიტიკურ პარტიასთან“ გვაქვს საქმე, – ამის შესახებ საპარლამენტო უმრავლესობის ლიდერმა არჩილ თალაკვაძემ განაცხადა.

მისი თქმით, 28 ოქტომბერს „ნაცმოძრაობა“ კუთვნილ წარსულში უნდა დარჩეს.

„პროკურატურის მიერ გავრცელებული ინფორმაცია კიდევ ერთხელ ადასტურებს, რა ხალხთან და რა „პოლიტიკურ პარტიასთან“გვაქვს საქმე. ისინი ოპონენტებს ასეთი გზით იშორებდნენ. ამ არჩევნებშიც, ჩონჩხებივით სკივრიდან ამოძვრნენ და ქვეყანას უკან ექაჩებიან. 28 ოქტომბერს „ნაცმოძრაობა“ კუთვნილ წარსულში უნდა დავტოვოთ“, – განაცხადა არჩილ თალაკვაძემ.

ცნობისთვის, პროკურატურის ინფორმაციით, ბადრი პატარკაციშვილის მკვლელობის მომზადების ფაქტი გახსნილია.