ყოფილმა ექთანმა ნილს ჰიოგელმა, რომელმაც გერმანიაში 100 პაციენტის მკვლელობა აღიარა, სასამრთლოში მოკლულების ოჯახებს ბოდიში მოუხადა.

იანვარში ოლდენბურგის პროკურატურამ ჰიოგელს 97 პაციენტის მკვლელობაში ბრალი დასდო. 2017 წლის შემოდგომზე ქვემო საქსონიის პოლიციამ განაცხადა, რომ ჰიოგელმა 106 პაციენტი მოწამლა. ოლდენბურგის საოლქო სასამრთლოში საუბარი 100 მსხვერპლის შესახებ გაიმართა.

„სრლიად დარწმუნებით ვამბობ, რომ მზად ვარ თითოეულს პასუხი გავცე, ყველა ნათესავს, ვისაც ეს შეეხო. მე ნამდვილად ვწუხვარ“, - განაცხადა ჰიოგელმა სასამრთლოზე.

მან ასევე თქვა, რომ შესაძლებლობა რომ ჰქონოდა მოკლულების ნათესავებს დაეხმარებოდა.

პირველდ ჰიოგელის დანაშაულებრივი ქმედებები მისმა ერთ-ერთმა კოლეგამ 2005 წელს შეამჩნია. მაშინ პაციენტი ინექციის შემდეგ ცოცხალი გადარჩა, ექთან მამაკაცს კი მკვლელობის მცდელობისთვის 7 წლითა და 5 თვით პატიმრობა მიუსაჯეს. ამის შემდეგ ხელისუფლებამ რამდენიმე ცხედრის ექსგუმაცია მოახდინა და წამლის კვალი აღმოაჩინა.

გამოძიება ასევე მიმდინარეობს ჰიოგელის კოლეგების წინააღმდეგ. ქალაქ დელმენჰორსტის კლინიკის 4 თანამშრომელი სასამართლოს წინაშე უნდა წარსდგეს უმოქედობის გამო. გამოძიების აზრით, მათ ჰქონდათ საკმარისი მტკიცებულება პაციენტების მკვლელობაში ჰიოგელის მონაწილეობის შესახებ, მაგრამ მათ ამისთვის სათანადო მნიშვნელობა არ მიუნიჭებიათ.

მამაკაცმა აღიარა, რომ პაციენტებს სასიკვდილო ინექციას იმის გამო უკეთებდა, რომ მათი რეანიმირება მოეხდინა და თავისი კოლეგების წინაშე გადამრჩენელის როლით წარმდგარიყო.