სოფო ხალვაში, შესაძლოა, ბათუმის მერის მოადგილედ დაინიშნოს. ინფორმაციას აჭარის საზოგადოებრივი მაუწყებელი ავრცელებს.

ბათუმის მერიაში 12 საათზე საგანგებო ბრიფინგია ჩანიშნული. მაუწყებლის ინფორმაციით, სწორედ ამ ბრიფინგზე წარადგენენ მომღერალს მერის მოადგილედ.

ინფორმაციას სოფო ხალვაშიც ადასტურებს, თუმცა კომენტარის გაკეთებისგან თავს იკავებს.

სოფო ხალვაში დაიბადა 1986 წლის 31 მაისს, ბათუმში. ის იყო ევროვიზია 2007-ის საქართველოს წარმომადგენელი. 2006 წელს გაემგზავრა ლატვიაში ქალაქ იურმალაში, სადაც კონკურსზე მესამე ადგილი დაიკავა. მომღერალს ფესტივალმა "ახალმა ტალღამ" საკმაოდ დიდი პოპულარობა მოუტანა არა მარტო სამშობლოში, არამედ მის ფარგლებს გარეთაც. მისი სადებიუტო ალბომი (რომელშიც შესულია ორიგინალი სიმღერები), ჩაიწერა ლონდონში. მომღერალს ჰყავს ქმარი — მიხეილ ძოძუაშვილი და მცირეწლოვანი ქალიშვილი.