რუსეთის პრეზიდენტის პრეს მდივნის დიმიტრი პესკოვის თქმით, რუსეთს საფრანგეთში მიმდინარე საპროტესტო აქციებთან არანაირი კავშირი არ აქვს. მისი თქმით, მტკიცება საფრანგეთის დემონსტრაციებთან რუსეთის შესაძლო კავშირის თაობაზე, ცილისწამებაა.

საფრანგეთის საგარეო საქმეთა მინისტრმა ჟან-ივ ლე დრინმა განაცხადა, რომ თავდაცვისა და ეროვნული უსაფრთხოების გენერალური სამმართველო იძიებს ქვეყანაში საპროტესტო აქციებთან რუსეთის შესაძლო კავშირს.

 „მსმენია ამ ხმების შესახებ“, -- განუცხადა მინისტრმა ჟურნალისტებს და მოუწოდა მათ გამოძიების შედეგებს დაელოდონ.

 „ვერაფერს ვიტყვი, ვიდრე ფაქტები არ დადასტურდება“, - აღნიშნა მან.

ამასთან, გაზეთი Times-ი წერდა, რომ Twitter-ს მიკრობლოგებში გამოვლენილია ანგარიშები, სადაც ქვეყნდებოდა ინფორმაციები საფრანგეთში ქუჩის პროტესტის მასშტაბების გაზრდის მიზნით.

ამასთან აღნიშნულია, რომ  ეს ანგარიშები აქვეყნებდნენ დეზინფრომაციას, იყენებდნენ ფოტოებს, სადაც სულ ხვა აქეიებზე დაშავებული დემონსტრანტები იყვნენ აღბეჭდილნი, რათა ფრანგული პოლიციის სისასტიკის შესახებ ცრუ-ფაქტები გაევრცელებინათ.