15 წელია ვიბრძვი სამართლისთვის. მე მინდა, საზოგადოებას მივულოცო ეს დღე, რადგან დღეიდან ჩვენს ქვეყანაში სამართლიანობის აღდგენა მკვიდრდება და ასე გაგრძელდება დარწმუნებული ვარ, - ამის შესახებ მის შესახებ ბუტა რობაქიძის დედამ, ია მეტრეველმა განაჩენის გამოცხადების შემდეგ განაცხადა.

„ნამდვილად ველოდი სამართლიან გადაწყვეტილებას. მადლობა მინდა ვუთხრა მოსამართლეებს, ნამდვილად სამართლიანი იყო მათი გადაწყვეტილება. აქ რაც მოაწყეს კივილი, წივილი და უბედურება, მე მათ მინდა, ვუთხრა, ნეტავ, ჩემი შვილიც ცოცხალი იყოს, ხუთი წელი კი არა, 20 წელი ჰქონდეს მისჯილი, ოღონდ ვიცოდე, რომ სადმე სუნთქავს. რას კივიან და რას წივიან ჩემთვის გაუგებარია. ამხელა დანაშაული აქვთ ჩადენილი და იმის მაგივრად, თავის ფეხით წასულიყვნენ ციხეში და ცოდვა მოეხსნათ, აქ რა დღეში არაინ, ანგრევენ, კივიან და წივიან“, – განაცხადა  ია მეტრეველმა.

მისივე თქმით, 15 წელია სამართლიანობის აღდგენისთვის იბრძვის და ეს დღეს აღსრულდა.

„სასამართლო სხდომაზე პროკურორს რაღაც ესროლეს და სისხლიანი გაიყვანეს. ამ ავაზაკებმა ჩემს შვილს ჯერ სიცოცხლე წაართვეს, უკანონოდ, უდანაშაულოდ და შემდეგ ბანდიტად გამოაცხადეს. 15 წელია ვიბრძვი სამართლისთვის. მე მინდა, საზოგადოებას მივულოცო ეს დღე, რადგან დღეიდან ჩვენს ქვეყანაში სამართლიანობის აღდგენა მკვიდრდება და ასე გაგრძელდება დარწმუნებული ვარ”, – განაცხადა ია მეტრეველმა.