საპარლამენტო უმრავლესობის წევრი ეკა ბესელია იუსტიციის უმაღლესი საბჭოს მოსამართლე წევრი სერგო მეთოფიშვილის წინააღმდეგ სამართლებრივ დავას იწყებს.  როგორც ბესელიამ განაცხადა, მეთოფიშვილის განცხადებების რეაგირების გარეშე დატოვება არ შეიძლება.

 “გუშინ მე თქვენ გითხარით, რომ ამ ადამიანზე კომენტარებს აღარ გავაკეთებ, მაგრამ ვიმოქმედებ. რას ნიშნავს ვიმოქმედებ, ახლა კიდევ რომ არ ჩავარდეს პანიკაში და არ ატეხოს ამბავი რომ ზეწოლას ახდენენ, არა! სამართლებრივ რეაგირებას ვაპირებ. იმიტომ, რომ ვფიქრობ, როგორც იურისტი, არასოდეს მე არ მახსოვს, როდესმე რომელიმე მოსამართლეს თავისთვის უფლება მიეცეს და მსგავსი პოლიტიკური განცახდებები გაეკეთებინოს.

ის გახლავთ იუსტიციის უმაღლესი საბჭოს წევრი. არ მგონია რომ მარტო თავის თავს ახმოვანებს. მგონია და არაფერი არ მგონია უსაფუძვლოდ, რომ ახმოვანებს გარკვეული ჯგუფის პოზიციას. კიდევ უფრო უარესია ეს. ეს იმას ნიშნავს, რომ საბჭოში არიან ადამიანები, რომლებმაც აი, ასეთი, სრულიად მიუღებელი ფორმა აირჩიეს პოლიტიკურ გუნთდან, მმართველ გუნდთან დაპირისპირებისთვის. ეს არის პოლიტიკურ პროცესში შემოსვლა ღიად, რისი უფლებაც არ აქვს მოსამართლეს.

ამიტომ მოქმედებაში რას ვგულისხმობ, ვამზადებ საჩივარს, რომ იუსტიციის უმაღლეს საბჭოს მივმართო. არ შეიძლება ამის რეაგირების გარეშე დატოვება. მოვითხოვ რომ დაიწყოს დისციპლინური წარმოება ამ მოსამართლის მიმართ. მაგრამ არ ვუყურებ ამ პროცესს საბჭოს დონეზე დასატოვებელს და ვაპირებ, რომ ამ პროცესს ბოლომდე მივყვე, ყველა ისტანციას გაივლის. და ეს იქნება მაგალითი, რომ არასდროს არც ერთმა მოსამართლემ თავს არ მისცეს უფლება, რომ პოლიტიკურ პროცესში ჩაერთოს ღიად და ეს რეაგირების გარეშე დარჩეს. მე მაინტერესებს ეს მოსამართლე, შევარდნაძის დროს პროკურატურაში მუშაობდა, მერე სააკაშვილის დროს საგამოძიებო ორგანოებში. რამე უთქვამს, იმ სრულიად ზღვარსგადასული ამბების გამო, რაც ხდებოდა? მე მახსოვს, რომ ეს ისწლები იყო, როდესაც ეს ბატონო იყო ადამიანისტრაციული კოლეგიის მოვალეობის შემსრულებელი, თავგაჩეხილი, დასისხლიანებული აქციის მონაწილეები მიგვყავდა სასამართლოში და მერე ამათ აპატიმრებდნენ, ნაცვლად იმისა, რომ მმოძალადეები დაესაჯათ. ამ როლში მყოფი ადამიანები რომ ასე გვესაუბრებიან, მე მგონია რომ რეაგირების გარეშე არ უნდა დარჩეს.  ”, – განაცხადა ბესელიამ.