ახალ ზელანდიაში მეჩეთებში ტერაქტების ონლაინ-ტრანსლაციის გავრცელებისთვის ბიზნესმენი დააკავეს.

44 წლის ფილიპ ნევილ არპსს ბრალი ორი მუხლით წაუყენეს. ქალაქ კრაისტჩერჩის საოლქო მოსამართლემ  მას გირაოთი გათავისუფლებაზე უარი უთხრა.

მედიის ცნობით, არპსი იმ კომპანიას ხელმძღვანელობს, რომელმაც ხელისუფლების ყურადღება უკვე მიიქცია ლოგოტიპზე ნაცისტური სიმბოლოს გამო.

მანამდე იგივე ბრალდებით 18 წლის მამაკაცი დააკავეს.

15 მარტს კრაისტჩერჩის ორ მეჩეთში შეირაღებული პირები შეიჭრნენ და იქ მყოფებს ცეცხლი გაუხსნეს. ბოლო მონაცემებით დაიღუპა 50, ხოლო დაშავდა 50 ადამიანი. ახალი ზელანდიის პრემიერმა მომხდარს ტერაქტი უწოდა.

ერტ-ერთი თავდამსხმელი 28 წლის ბრენტონ ტარანტი თავდასხმის ამსახველ კადრებს სოციალურ ქსელში, პირდაპირ ეთერში გადასცემდა. ის დაკავებულია.