ვენესუელაში რუსული თვითმფრინავები და სამხედროები ჩავიდნენ
რუსი სამხედროები ვენესუელაში ჩავიდნენ. სააგენტო „ფრასნ პრესის“ ცნობით, კარაკასის აეროპორტში ორი თვითმფრინავი და 100-მდე რუსი სამხედრო დააფიქსირეს.
კარაკასში რუსული სამხედრო თვითმფრინავის ჩაფრენის შესახებ პირველად ინფორმაცია ვენესუელელმა ჟურნალისტმა ხავიერ მაიორკამ გაავრცელა.
Flightradar24-ის ცნობით, ილ-62 და ან-124 რუსეთის ჩკალოვსკის აეროდრომიდან აფრინდნენ და კარაკასში ჩასვლამდე გარკვეული დროით სირიაში დაფრინდნენ.
მაიორკას თქმით, სატრანსპორტო თვითმფრინავის ბორტზე ასამდე რუსი სამხედრო იმყოფებოდა.
სოციალურ ქსელში გავრცელდა კარაკასის აეროპორტში გაჩერებული თვითმფრინავის ფოტოებიც.
