აშშ-ის პრეზიდენტმა დონალდ ტრამპმა სპეცპროკურორ რობერტ მიულერის მოხსნების ძირითადი დასკვნების გამოქვეყნების შემდეგ წამყვან მედიასაშუალებებს ხალხის მტრები უწოდა და ისინი კორუფციაში დაადანაშაულა.

აშშ-ის იუსტიციის სამინისტრომ რუსულ საქმესთან დაკავშირებული მიულერის ძირითადი დასკვნები გამოაქვეყნა. მიულერმა გადაწყვიტა, რომ რუსეთი ერეოდა 2016 წლის ამერიკის არჩევნებში: ინტრნეტ- კვლევის სააგენტო ცდილობდა სოციალურ ქსელებში დაეთესა უთანხმოება საზოგადოებაში, რუსი ჰაკერები კი აგროვებდნენ და ავრცელებდნენ ინფორმაციებს არჩევნებზე გავლენის მოსახდენად. ამასთან მიულერის აზრით, არც ტრამპი და არც მისი გუნდი რუსეთთან გარიგებაში არ მონაწილეობდა. აშშ-ის იუსტიციის სამინისტრო მიიჩნევს, რომ ტრამპი გამოძიებას ხელს არ უშლიდა.

 „წამყვანი მედიასაშუალებები მოქცნენ კრიტიკის ცეცხლის ქვეშ. მათ მთელი მსოფლიო დასცინის, როგორც კორუმპირებულებსა და ყალბებს. ორი წლის განმავლობაში ისინი აღვივებდნენ ილუზიას რუსული გარიგების შესახებ, მაშინ როცა ყოველთვის იცოდნენ, რომ არანაირი გარიგება არ ყოფილა. ისინი ნამდვილად ხალხის მტრები არიან და ნამდვილი ოპოზიციური პარტია!“, - წერს ტრამპი მიკრობლოგ Twitter-ში.