ვენესუელის დროებითმა პრეზიდენტმა 6 აპრილი დე-ფაქტო პრეზიდენტ ნიკოლას მადუროს დამხობის დასაწყისად დაასახელა.

 „ოპერაცია „თავისუფლების“ პირველი ტაქტიკური ქმედებები 6 აპრილს მთელი ქვეყნის ტერიტორიაზე დაიწყება. ამ დღისთვის ჩვენ მზად უნდა ვიყოთ თავისუფლების  უკვე ფორმირებული კომიტეტებით“, - დაწერა მან მიკრობლოგ Twitter-ში.

კონკრეტულად თუ რა ქმედებებზეა საუბარი, მას არ დაუზუსტებია.

ხუან გუაიდომ ვენესუელის დროებით პრეზიდენტად თავი 23 იანვარს გამოაცხადა. მისი ლეგიტიმურობა აშშ-სა და ევროკავშირთან ერთად მსოფლიოს უამრავმა ქვეყანამ აღიარა, მათ შორის საქართველომაც.

ნიკოლას მადუროს მხარს უჭერს რუსეთი, თურქეთი, მექსიკა და კიდევ რამდენიმე ქვეყანა.