პარიზში შრომის დღესთან დაკავშირებულ აქციაზე 165 ადამიანი დააკავეს.

არეულობები ჯერ კიდევ დემონსტრაციამდე დაიწყო.

შეტაკებები მოხდა აქციის მონაწილეებსა და პოლიციას შორის.

შავებში ჩაცმული ადამიანები, რომლებიც მოძრაობა black block-ს წარმოადგენენ, მონპარნასის ბულვარში პოლიციელებს აგრესიულად დაუპირისპირდნენ. ისინი სამართალდამცველებს ესროდნენ შუშის ბოთლებსა და ლუდის ქილებს. პოლიციამ მათ წინააღმდეგ ხელკეტები და ცრემლსადენი გაზი გამოიყენა.

ამ დროისათვის პარიზში ვითარება კვლავ დაძაბულია.

საფრანგეთის შს მინისტრის კრისტოფ კასტანერის განცხადებით, პარიზში წესრიგის დასაცავად 7 400 პოლიციელი და ჟანდარმია გამოყვანილი.