ამერიკის შეერთებული შტატები არის საქართველოს სტრატეგიული პარტნიორი - გიორგი გახარია
შინაგან საქმეთა მინისტრმა გიორგი გახარიამ პრეზიდენტ სალომე ზურაბიშვილის ტვიტერის პოსტთან დაკავშირებით დასმულ შეკითხვას უპასუხა.
„მე არ შევაფასებ პრეზიდენტის გამონათქვამს. მე გეტყვით, რომ ამერიკის შეერთებული შტატები არის საქართველოს სტრატეგიული პარტნიორი, ეს არის ჩვენი სტრატეგიული მოკავშირე, როგორც ქვეყნის ტერიტორიული მთლიანობის, ასევე, მისი უსაფრთხოების, თავდაცვისუნარიანობის ჭრილში, ძირითადი და სტრატეგიული მხარდამჭერი და აშშ-სთან ორმხრივი ურთიერთობა, როგორც უსაფრთხოების, ასევე თავდაცვის ნაწილში, არის ამ ქვეყნის პრიორიტეტი", განაცხადა გიორგი გახარიამ.
