სასექსის ჰერცოგინიას მეგან მარკლისა და პრინც ჰარის ახალდაბადებული ბავშვი დიდი ბრიტანეთის დედოფალ ელისაბედ მეორეს შეადარეს. ამის შესახებ გამოცემა Daily Mail-ი იუწყება.

მონარქთა ოჯახის ისტორიის ექსპერტმა, დოქტორმა ჯონათან სპენგლერმა აღნიშნა, რომ დაბადებისას დედოფალი, ისევე როგორც პრინც ჰარის ვაჟი ტახტის მემკვიდრეთა რიგში მეშვიდე იყო. როგორც ახალშობილი, ისე ელისაბედი ოჯახში მეორე შვილის პირმშო იყო, ამიტომ არავინ ფიქრობდა, რომ ის ოდესმე ტახტზე ავიდოდა.

თუმცა, როდესაც ელისაბედის ბიძა ედუარდ VIII ტახტს ჩამოშორდა, მამამისი ჯორჯ VI გამეფდა. მისი სიკვდილის შემდეგ კი ტახტი ელუსაბედს გადაეცა.

ამასთან, ისტორიკოსი არ მიიჩნევს, რომ ბავშვი ოდესმე ტახტზე ავა, თუ რაიმე დინასტიური გადატრიალება არ მოხდება.

პრინც ჰარისა და მეგან მარკლის შვილსარ მოუწვეს ნებართვა სთხოვოს დედოფალს (ან მეფეს) ქორწინებაზე - ეს მოხლოდ პირველმა ექვსმა მემკვიდრემ უნდა გააკეთოს.

მეგან მარკლის ვაჟი 6 მაისს შეეძინა. მისი წონა 3,3 კგ-ს შეადგენდა. პრინცმა ჰარიმ განაცხადა, რომ ბავშვი ჯანმრთელი დაიბადა და ბიჭიც და დედაც თავს შესანიშნავად გრძნობენ.