ხვალ, 15 მაისს, ეკონომიკის ყოფილ მინისტრს გიორგი ქობულიას პარლამენტში მოუსმენენ. შეხვედრა დამოუკიდებელი დეპუტატების ინიციატივით იმართება. პარლამენტის წევრის, ლევან კობერიძის თქმით, შეხვედრა ხვალ პირველ საათზე შედგება.

„დეპუტატების ერთმა ჯგუფმა გავუგზავნეთ მას წერილი, მიართვა იმასთან დაკავშირებით, რომ მისი სურვილის შემთხვევაში, ჩვენ მზად ვართ, რომ გავმართოთ ღია ფორმატის შეხვედრა პარლამენტში, სადაც მას შეეძლება, გააკეთოს მოხსენება მისი გაწეული სამუშაოს შესახებ, ანგარიშის თვალსაზრისით და თავისი ხედვები გაგვიზიაროს ეკონომიკის განვითარებასთან დაკავშირებით და უპასუხოს კითხვებს, რომელიც შესაბამისად მოსულ აუდიტორიას ექნება. დადასტურებულია მისი მხრიდან, რომ ხვალ პირველ საათზე გაიმართება ეს შეხვედრა“, - განაცხადა ლევან კობერიძემ.

ეკონომიკის მინისტრი, გიორგი ქობულია თანამდებიბიდან 2019 წლის 18 აპრილს გადადგა. მოგვიანებით, გიორგი ქობულიამ განაცხადა, რომ ის თავისი ნებით არ წასულა, რადგან წასვლის შესახებ მას განცხადება არ დაუწერია. ქობულიამ ეკონომიკის მინისტრის თანამდებობა 2018 წლის ივლისში დაიკავა.