ბორის ჯონსონი სასამართლოს წინაშე წარსდგება
დიდი ბრიტანეთის საგარეო საქმეთა ყოფილი მინისტრი ბორის ჯონსონი სასამართლოს წინაშე წარსდგება. მას Brexit-ს შესახებ რეფერენდუმის გამართვამდე ამომრჩევლების მოტყუებაში ადანაშაულებენ. გამოცემა Independent-სი ცნობით, ჯონსონის წინააღმდეგ სარჩელი ბიზნესმენმა მარკუს ბოლმა შეიტანა.
მისი მტკიცებით, ჯონსონმა ამომრჩევლები მოატყუა, როდესაც განაცხადა, რომ ევროკავშირის დატოვების შემდეგ დიდი ბრიტანეთი კვირაში 350 მლნ ფუნტს დაზოგავდა, რომელიც მანამდე თითქოს ევროპის ბიუჯეტში მიდიოდა. ბიზნესმენის თქმით, დიდი ბრიტანეთი ევროკავშირისთვის ამ რაოდენობის თანხას არასდროს ხარჯავდა.
