სამხეთ კორეის ხელისუფლება არ ფლობს ოფიციალურ მტიცებულებას ერთ-ერთი ადგილობრივი მედიის მიერ გავრცელებული ინფორმაციის შესახებ, რომელიც ჩრდილოეთ კორეაში აშშ-სთან ურთიერთობის საკითხებში სახელმწიფო წარმომადგენლის კიმ ჰიონ ჩხოლის სიკვდილით დასჯას ეხება. ამის შესახებ ჟურნალისტებს სამხრეთ კორეის ეროვნული ერთიანობის სამინისტროში განუცხადეს.  

გაზეთ „ჩოსონ ილბოს“ ინფორმაციით, კიმ ჰიონ ჩხოლი ჩრდილოეთ კორეის საგარეო საქმეთა სამინისტროს კიდევ ოთხ თანამშრომელთან ერთად, რომლებიც ამერიკა-ჩრდილოეთ კორეის სამიტში მონაწილეობდნენ, მარტში ჯაშუშობის ბრალდებით სიკვდილით დასაჯეს.

გამოცემის ცნობით, ეს ინფორმაციები ჩრდილოეთ კორეელმა წყარომ მიაწოდა. მანამდე სამხრეთ კორეაში არაერთხელ გავრცელდა ინფორმაცია ჩრდილოეთ კორეაში თანამდებობის პირების სიკვდილით დასჯის შესახებ, თუმცა მოგვიანებით, ეს ადამიანები ცოცხლები და უვნებლები ნახეს.