დიდი ბრიტანეთის დედოფალი ელისაბედ მეორე, პრემიერი ტერეზა მეი და კიდევ 15 სახელმწიფოს ლიდერი მონაწილეობს ნორმანდიაში ინგლის-ამერიკის სამხედრო ძალებია გადასხმის 75 წლის იუბილისადმი მიძღვნილ ცერემონიაში.  

პორტსმუთში, სადაც ცერემონია იმართება, მივიდნენ აშშ-ისა და საფრანგეთის პრეზიდენტები, გერმანიის კანცელრი, ასევე ავსტრალიის, ბელგიის, კანადის, ჩეხეთის, დანიის, საბერძნეთის, ლუქსემბურგის, ნიდერლანდების, ნორვეგიის, ახალი ზელანდიის, პოლონეთისა და სლოვაკეთის პრემიერ-მინისტრები. ცერემონიას ასევე ესწრებიან 1944 წლის ოპერაციის მონაწილე ვეტერანებიც.

სიტყვით გამოსვლისას დიდი ბრიტანეთის დედოფალმა ელისაბედ მეორემ განაცხადა, რომ ყოველ წელს, როდესაც ნორმანდიაში ძალების გადასხმის აღსანიშნავ ღონისძიებაში მონაწილეობს, ფიქრობს, რომ ეს ცერემონია მისთვის შესაძლოა, უკანასკნელი იყოს.

„მაგრამ მაშინდელი ომის თაობა - ჩემი თაობა მტკიცეა. 75 წლის წინ ასობით ათასმა ახალგაზრდა ჯარისკაცმა, მატროსმა, მეზღვაურმა და მფრინავმა ეს ნაპირი თავისუფლებისთვის დატოვა. მათი უმეტესობა არ დაბრუნებულა. მათი გმირობა და თავგანწირვა არასდროს იქნება დავიწყებული.  ჩემი ქვეყნის და მთელი თავისუფალი სამყაროს სახელით, სიხარულით გიხდით მადლობას“, - განაცხადა ელისაბედ მეორემ.

1944 წლის 6 ივნისს ინგლის-ამერიკის ჯარებმა ნორმანდიაში (საფრანგეთი) მეორე ფრონტი გახსნა. რამაც მეორე მსოფლიო ომში ფაშისტური გერმანიის დამარცხებაში უდიდესი როლი შეასრულა.