უკრაინის პრეზიდენტმა ვოლოდიმირ ზელენსკიმ განაცხადა, რომ დონბასში უკრაინელი სამხედროების წინააღმდეგ ძალის გამოყენებას, პასუხი მკაცრად გაეცემა, ხოლო ცეცხლის შეწყვეტასა და ტყვეების გათავისუფლებასთან დაკავშირებით უკრაინის დიპლომატიური პოზიცია უცვლელი დარჩება.

 „ვინც არ უნდა გასცეს ბრძანება, უკრაინის შეიარაღებული ძალები მკაცრად უპასუხებს სიტუაციის შესაბამისად. დიპლომატიურ დონეზე კი ჩვენი პოზიცია ცეცხლის შეწყვეტისა და ტყვეების გათავისუფლების შესახებ მტკიცე და უცვლელია“, - განაცხადა მან.

პრეზიდენტის შესაბამისი განცხადება 7 ივნისის ღამით უკრაინის შეიარღებული ძალების მიმართ ცეცხლის გახსნას უკავშირდება, რომლის შედეგად ორი უკრაინელი სამხედრო დაიღუპა და რვა დაიჭრა.

ზელენსკიმ რუსეთი დონბასში ვითარების გამწვავებაში დაადანაშაულა. „უკრაინელი სამხედრობის წინააღმდეგ ცეცხლის გახსნა , ცეცხლსი შეწყვეტის შესახებ მოლაპარაკებების ჩაშლის მცდელობაა“, - აღნიშნა ზელენსკიმ.