სტამბოლის სასამართლომ სახელმწიფო გადატრიალების მცდელობისთვის დაკავებულ 53 ადამიანს სამუდამო პატიმრობა მიუსაჯა. იუწყება სააგენტო Anadolu.

მოსამართლის აზრით, ყველა ბრალდებული 2016 წელს მონაწილეობდა სტამბოლში ათათურქის აეროპორტის დაკავებაში. კიდევ 76 ადამიანს „ტერორისტული ორგანიზაციისთვის დახმარების გაწევისთვის“  12 წლიანი პატიმრობა მიესაჯა.

2016 წლის 16 ივლისს თურქეთში ამბოხებულებმა სახელმწიფო გადატრიალება სცადეს. მოვლენები ძირითადად ანკარასა და სტამბოლში განვითარდა. დაიღუპა 250 ადამიანი, 2 ათასზე მეტი კი დაიჭრა. ხელისუფლებამ ამბოხი ჩაახშო.

ამბოხის შემდეგ დააკავეს 50 ათასზე მეტი ადამიანი, სახელმწიფო სამსახურებიდან კი 160 ათასზე მეტი პირი დაითხოვეს, მათ შორის სამხედროები. თურქეთის ხელისუფლება ამბოხის მცდლობაში ოპოზიციონერ მქადგებლს ფეთჰულაჰ გიულენს ადანაშაულებს, მის ორგნაზაციას - FETO-ს კი ტერორისტულ ორგანიზაციად მიიჩნევს. გიულენი, რომელიც ამაჟამად აშშ-ში ცხოვრობს, ამბოხთან ყოველგვარ კავშირს უარყოფს.