აშშ-ის პრეზიდენტმა დონალდ ტრამპმა ჟურნალისტებს დაუდასტურა, რომ დანიისგან კუნძულ გრელანდიის შეძენით არის დაინტერესებული.  

ტრამპის თქმით, ის ამ საკითხით სტრატეგიული თვალსაზრისით დაინტერესდა. „ეს არის ის, რაზეც ჩვენ ვსაუბრობდით. გაჩნდა ასეთი იდეა და მე ვთქვი, რომ სტრატეგიული თვალსაზრისით ის საინტერესოა“, – განაცხადა ტრამპმა ჟურნალისტებთან შეხვედრაზე.

ის, რომ ტრამპი გრელანდიის შეძენით არის დაინტერესებული, ცოტა ხნის წინ გაზეთი Wall Street Journal -ი ინფორმირებულ წყაროზე დაყრდნობით წერდა. კერძოდ, საუბარი იყოს იმის შესახებ, რომ ეს შეერთებულ შტატებს არქტიკაში სამხედრო ძალების  გაფართოების შესაძლებლობას მისცემდა.

ტრამპის მთავარმა მრჩეველმა ეკონომიკის საკითხებში ლარი კუდლოუმ დაადასტურა, რომ თეთრ სახლში გრელანდიის შეძენის შესაძლებლობას განიხილავენ.

ტრამპის გეგმებმა დანიელი პოლიტიკოსები აღაშფოთა, გრელანდიის საგარეო საქმეთა სამინისტროში კი განაცხადეს, რომ კუნძული ღიაა ბიზნესისთვის და არა გაყიდვისთვის.