ირანის ხელისუფლებამ გაათავისუფლა ბრიტანეთის ტანკერი Stena Impero, რომელიც ორმუზის სრუტეში ისლამური რევოლუციის გუშაგთა კორპუსის მიერ იყო დაკავებული. ინფორმაციას ტელერახი Sky News Arabia ავრცელებს.

ირანის ხელისუფლების წარმომადგენელმა ალი რაბიმ განაცხადა, რომ ბრიტანული ტანკერის გასათავისუფლებად იურიდული პროცედურები დასრულებულია. ამასთან, მას არ დაუზუსტებია თარიღი, თუ როდის დატოვებს ტანკერი ირანის სანაპიროს. „ჩვენ ჯერ კიდევ არ ვიცით ზუსტად როდის გავა ზღვაში ტანკერი“, - განმარტა რაბიმ.

ბრიტანეთის დროშის ქვეშ მცურავი ტანკერი Stena Impero ორმუზის სრუტეში 19 ივლისს დააკავეს. ისლამური რევოლუციის გუშაგთა კორპუსის წარმომადგენელთა თქმით, ტანკერმა გამორთო ამოცნობის ავტომატური სიტემის მიმღები და მათ გაფრთხილებაზე არ რეაგირებდა. მათივე თქმით, ხომალდი საერთაშორისო სამართლის ნორმების დაარღვევის გამო დააკავეს, რის შემდეგაც შემოწმებისთვის ნაპირამდე მიიყავნეს.