აშშ-ის პრეზიდენტმა დონალდ ტრამპმა განაცხადა, რომ მას ყველაზე ცუდად ექცევიან, ვიდრე შეერთებულ შტატების სხვა პრეზიდენტებს ექცეოდნენ.

„ჩვენი ქვეყნის ისტორიაში არ ყოფილა არც ერთი პრეზიდენტი, რომელსაც ასე ცუდად მოქცეოდნენ, როგორც მე. დემოკრატები გაღჟღენთილნი არიან სიძულვილითა და შიშით. ისინი არაფერს აკეთებენ. არ შეიძლება დავუშვათ, რომ ასეთი რამ ოდესმე სხვა პრეზიდენტებსაც დაემართოს. ალქაჯებზე ნადირობა!“ - წერს ტრამპი მიკრობლოგ Twitter-ში.

შეგახსენებთ, აშშ-ის წარმომადგენელთა პალატის სპიკერმა, დემოკრატმა ნენსი პელოსმა ტრამპის წინააღმდეგ იმპიჩმენტის პროცედურის დაწყების შესახებ განაცხადა. ამის საფუძველი გახდა ტრამპის მცდელობა გამოეყენებინა უკრაინის ხელისუფლება პრეზიდენტობის კანდიდატ ჯო ბაიდენის წინააღმდეგ.

მედიაში გავრცელდა ინფორმაცია, რომ ამერიკის ლიდერმა ზელენკისთან საუბრისას, განიხილა რაღაც საიდუმლო ინფორმაცია და ცდილობდა უკრაინის ხელისუფლების იძულებას დაეწყო აშშ-ის ყოფილი ვიცე-პრეზიდენტისა და პრეზიდენტობის კანდიდატის ჯო ბაიდენის შვილის წინააღმდეგ გამოძიების დაწყება. ტრამპი ბრალდებას უარყოფს და აცხადებს, რომ ეს ისტორია ფაბრიკაციაა, რათა  დაიცვან ბაიდენი, რომლის შვილიც უკრაინაში კორუფციაშია გარეული.

გაზეთი Wall Street Journal-ი წყაროზე დაყრდნობით წერდა, რომ ტრამპი ამ საუბრისას ზელენკისზე ახდენდა ზეწოლას, რათა მას ბაიდენის შვილის წინააღმდეგ გმოძიება დაეწყო.

ჯო ბაიდენის შვილი - ჰანტერი Burisma Group-ის დირექტორთა საბჭოს წევრი იყო, რომელიც უკრაინაში გაზის კერძო, მსხვილი კომპანიაა.