ტყის ხანძრების გამო ლოს ანჯელესიშ მოსახლეობამ საცხოვრებელი სახლებინ დატოვა. მათ შორის ცნობილმა კალათბურთელმა ლებრონ ჯეიმსმა, მსახიობმა და კალიფორნიის ყოფილმა გუბერნატორმა არნოლდ შვარცნეგერმა, ასევე მსახიობმა რაიან ფილიპმა.

 „თუ თქვენ ევაკუაციის ზონაში მოხვდით, ამას სერიოზულად მიუდექით... მადლობას ვუხდი მსოფლიოში საუკეთესო მეხანძრეებს. ისინი ნამდვილი გმირები არიან, რომლებიც თავიანთ თავს საფრთხეში აგდებენ, რათა დაიცვან კალიფორნიის მოსახლეობა“, - წერს შვარცნეგერი მიკრობლოგ „ტვიტერზე“.

მეხანძრეების აზრით, საფრთხეშია მსოფლიოში ერთ-ერთ უდიდესი გეტის სამხატვრო მუზეუმი. ძლიერი ხანძარი კალიფორნიის მთელს ტერიტორიაზე მძვინვარებს. გასულ კვირას ხანძარი სონომის ოლქში დაიწყო, სადაც 200 ათასამდე ადამიანმა თავიანთი საცხოვრებელი ადგილი დატოვა.

კვირას, 27 ოქტომბერს კალიფორნიის შტატის გუბერნატორმა გევინ ნიუსომმა კალიფორნიის ტერიტორიაზე საგანგებო მდგომარეობა გამოაცხადა. 58-დან 43 ოლქში საფრთხის წითელი დონეა გამოცხადებული.

გუბერნატორის თქმით, ხანძარი, რომელიც ყოველთვის მძვინვარებს ოქტომბერში, წელს განსაკუთრებულ საფრთხეს შეიცავს, რაც  ძლიერ ქარს უკავშირდება.