ავსტრიის ქალაქ ბრაუნაუ-ამ-ინში მდებარე სახლში, სადაც ადოლფ ჰიტლერი დაიბადა, პოლიციის განყოფილება გაიხსნება. ამის შესახებ Deutche Welle ავსტრიის ხელისუფლებაზე დაყრდნობით იუწყება.

„შენობაში პოლიციის განყოფილების გახსნა, იმის დემონსტრირებაა, რომ ის არასდროს გახდება ნაციონალ-სოციალიზმის ძეგლი“, - განაცხადა ავსტრიის შს მინისტრმა ვოლფგანგ პეშორნიმ.

ჰიტლერის სახლის ბედი მრავალი წლის განმვალობაში განიხილებოდა. მანამდე ავსტრიის ხელისუფლებას შენობის დანგრევა სურდა, რათა ის ნაციონალისტებისთვის საკულტო ძეგლად არ გადაქცეულიყო.

2017 წელს სახლი, მისი მფლობელის გერლინდა პომერის წინააღმდეგობის მიუხედავად, ხელისუფლებას საკუთრებაში გადაეცა. თავდაპირველად პომერმა 1,5 მლნ ევროს კომპენსაცია მოითხოვა, თუმცა აღნიშნული ავსტრიის ფინანსურმა პროკურატურამ გაასაჩივრა.

ავსტრიული კანონის თანხმად, ადგილობრივ ხელისუფლებას უფლება აქვს შენობაში აწარმოოს ნებისმიერი სამუშაოები, ან სახლი მთლიანად დაანგრიოს.