ბრიტანეთის დედოფლის ელისაბედ მეორის ვაჟმა, პრინცმა ენდრიუმ, საჯარო ვალდებულებები მოიხსნა. მისი განცხადებით, შესაბამისი გადაწყვეტილება  ჯეფრი ეპშტეინთან კავშირის შესახებ ბრალდებების ფონზე მიიღო, რომელიც არასრულწლოვანების პროსტიტუციაში ჩართვის გამო იყო გასამართლებული.

პრინცის გადაწყვეტილების შესახებ ბუკინგემის სასახლის პრესსამსახურის მიერ გავრცელებულ განცხადებაშია ნათქვამი.

 „ბოლო რამდენიმე დღის განმავლობაში მკაფიოდ გავაცნობიერე, რომ წასრულში ჩემი კონტაქტები ჯეფრი ეპშტეინთან, სერიოზული ფაქტორი გახდა, რომელიც ხელს უშლის როგორც ჩემი ოჯახის მუშაობას, ისე უამრავ საქველმოქმედო ორგანიზაციის მუშაობასაც, რომლებსაც სიამაყით ვეხმარებოდი. მის უმაღლესობას ვთხოვე ნებართვა მოეცა ჩემთვის ჩამოვშორებოდი საჯარო ვალდებულებებს უახლოეს მომავალში“, - ნათქვამია პრინცის სახელით გავრცელებულ განცხადებაში.

 „კვლავინდებურად ვწუხვარ ეპშტეინთან ჩემი კავშირის გამო. მისმა თვითმკვლელობამ უმარავი გადაუჭრელი საკითხი დატოვა“, - აღნიშნავს პრინცი ენდრიუ.

2019 წლის ივლისში ამერიკელი ფინანსისტი ჯეფრი ეპშტეინი პროსტიტუციის საქმეზე დააკავეს. ერთი თვის შემდეგ კი ის ციხის საკანში გარდაცვლილი იპოვეს.

ეპშტეინის სიკვიდლის მიზეზად თვითმკვლელობა სახელდება, თუმცა მომხდარზე გამოძიება დღესაც გრძლედება.

ეპშტეინს უკვაშირებდნენ პრინც ენდრიუს, რომლის სახელმაც 2015 წელს ფინანსისტის საქმის მასალებში გაიჟღერა.

საქმეში გამოიკვეთა მოწმე ვირჯინია ჯუფრე. ის ამტკიცებდა, რომ ეპშტეინი მას 17 წლის ასაკში აიძულებდა გავლენიან მამაკაცებთან, მათ შორის პრინც ენდრიუსთან სექსით დაკავებას.

ამის შემდეგ, კომპანიებმა ბრიტანეთსა და სხვა ქვეყნებში, რომლებთანაც პრინცი ენდრიუ თანამშრომლობდა, მისგან დისტანცირება დაიწყეს. მათ შორის აღმოჩნდა უმსხვილესი ტელესაკომუნიკაციო კომპანია BT.

პრინცი ენდრიუ ჯეფერი ეპშტეინთან ერთად