ბათუმის ძველი ავტოსადგურიდან მოსკოვის მიმართულებით მგზავრობის ღირებულება 150 ლარია
ბათუმის ძველი ავტოსადგურიდან მოსკოვის მიმართულებით რეისების შესრულება დაიწყო. როგორც „აჭარა PS“ იტყობინება, ბათუმი-მოსკოვის რეისებს საკმაოდ კომფორტული, მაღალი კლასის ავტობუსები შეასრულებენ.
უკვე ცნობილია, რომ ბათუმიდან რეისები ყოველ სამშაბათსა და პარასკევს, 11:00 საათზე განხორციელდება და ბილეთის ფასი 150 ლარს შეადგენს.
როგორც ბათუმის ძველი ავტოსადგურის დირექტორი ბადრი სოლომონიძე აცხადებს, 2016 წლის თებერვლიდან აღნიშნული რეისების ინტენსივობა მოიმატებს და ტურისტული სეზონისათვის მგზავრთა ნაკადს სრულად მოემსახურებიან.
