გაერთიანებული სამეფოს დედოფალი ელისაბედ მეორე მზად არის უახლოესი წელიწადნახევრის განმავლობაში ტახტი დატოვოს და თავის ვაჟს - ჩარლზს გადასცეს. ამის შესახებ ინფორმაციას ბრიტანული ტაბლოიდები ავრცელებენ.

მედიის ინფორმაციით, დედოფალი ტახტს თავის 95-ე წლისთავზე დატოვებს, რომელიც 18 თვის შემდეგ დადგება. ჟურნალისტები ვარაუდობენ, რომ ელისაბედ მეორე არაოფიცალურად უკვე გადასცა უფლებამოსილება თავის ვაჟს.

„შესამჩნევია, რომ ღონისძიებებს დედოფალზე მეტად პრინცი ჩარლზი ესწრება. იმის მიუხედავად, რომ ელისაბედ მეორე ზოგიერთ მიღებას მაინც მართავს, მათი რაოდენობა შემცირებულია და ის უფრო ხშირად უინძორის სასახლეში დარჩენას ამჯობინებს“, - წერს ბრიტანული მედია.

ცნობილია, რომ 2018 წელს დედოფალი 282 ღონისძიბეას დაესწრო, 2016 წელს - 332-ს, მაშინ, როცა ჩარზლი 507 ღონისძიებაზე იმყოფებოდა.

მედია წერს, რომ ტახტის გადაცემის პროცესი უკვე მიმდინარეობს. თუმცა ოფიციალური განცხადება ჯერ არ გაკეთებულა.

ელისაბედ მეორე ბრიტანეთის დედოფალი 1952 წელს გახდა.