სიდნეიში ჰაერის ხარისხის დონემ კრიტიკული ნიშნული გადაკვეთა. ზოგიერთ ადგილზე მაჩვენებელი „სიცოცხლისთვის საშიშია“ 11-ჯერ გაიზარდა. იუწყება ტელეარხი SBS.

სიდნეი და მისი გარეუბნები ახალი სამხრეთ უელსის შტატში, ტყის ხანძრების შედეგად წარმოქმნილმა სქელმა სმოგმა მოიცვა. მთელს ქალაქში ისმის განგაშის სიგნალები. სმოგის გამო განხორციელდა დაწესებულებების ევაკუაცია, მათ შორის გაზეთ Sydney Morning Herald-ის ოფისიდანაც.

ხელისუფლება იძულებული გახდა, გადაედო სპორტული ღონისძიებები. ცუდი ხილვადობის გამო საბორნე მიმოსვლა შეწყდა პორტ-ჯექსონის ყურეშიც.

 „სქელი კვამლი მაღალ ტემპერატურასთან ერთად ქმნის ჯანმრთელობისთვის პოტენციურად საშიშ პირობებს. ცხელი ამინდი და ძლიერი ქარი ასევე ზრდის ცეცხლის გაჩენის საფრთხეს“, - წერს მიკრობლოგ Twitter-ზე შტატის მეტეოროლოგიური ბიურო.

ბრიტანელი მომღერალი, ჯგუფ Oasis-ის ყოფილი სოლისტი ლიამ გალაჰარი, რომელიც ავსტრალიაში კონცერტებს მართავს, Twitter-ზე შექმნილ ვითარებას აღწერს. „სიდნეი საშინლად გამოიყურება ამ კვამლის გამო“, - წერს მუსიკოსი.

ავსტრალიაში ხანძრები ახალი ძალით ნოემბრის დასაწყისში გაჩნდა. მოსახლეობას შორის არის მსხვერპლიც. ცეცხლმა უკვე გაანადგურა ტყეების მილიონ ჰეტქარზე მეტი, მათ შორის ის ადგილებიც, სადაც კოალები ბინადრობენ.