უზენაესი სასამარლოს თავმჯდომარემ ნინო გვენეტაძემ, რომელმაც იუსტიციის უმაღლეს საბჭოში ლევან მურუსიძის სააპელაციო სასამართლოს მოსამართლედ დანიშვნას ხმას არ მისცა, მისი დანიშვნის გადაწყვერილებას ხელი მოაწერა.

”საერთო სასამართლოების შესახებ” საქართველოს საქართველოს ორგანული კანონის 36-ე მუხლის მე-4 და 4 პრიმა პუნქტების შესაბამისად, ლევან მურუსიძე გამწესდეს თბილისის სააპელაციო სასამართლოს ადმინისტრაციულ საქმეთა პალატის მოსამართლის თანამდებობაზე 3 წლის ვადით, 2016 წლის 4 იანვრიდან”, - ნათქვამია გადაწყვეტილებაში, რომელსაც ხელს აწერს უზენაესი სასამართლოს თავმჯდომარე ნინო გვენეტაძე.

25 დეკემბერს საქართველოს იუსტიციის უმაღლეს საბჭოში 61 ვაკანტურ ადგილზე მოსამართლეთა დასანიშნად კენჭისყრა ჩატარდა. სააპელაციო სასამართლოშო 10 ხმით დაინიშნა ლევან მურუსიძე, რომლის დანიშვნასაც სამოქალაქო საზოგადოების ორგანიზაციები აპროტესტებდნენ. ნინო გვენეტაძემ ლევან მურუსიძის წინააღმდეგ მისცა ხმა, ხოლო ვახტანჯ მჭედლიშვილმა კენჭისყრაში მონაწილეობა საერთოდ არ მიიღო.