ჩინეთში, ახალი კორონავირუსით გარდაცვლილთა რაოდენობა 9-მდე გაიზარდა. გამოვლენილია ინფიცირების 440 შემთხვევა. ამის შესახებ ჩინეთის ჯანდაცვის სახელმწიფო კომიტეტის ხელმძღვანელის მოადგილემ ლი ბინმა ჟურნალისტებს განუცხადა.

მანამდე ვრცელდებოდა ინფორმაცია ინფიცირების 324 შემთხვევისა და ექვსი დაღუპულის შესახებ.

გასული წლის დეკემბრის ბოლოს, ჩინეთის ხელისუფლებამ ხუბეის პროვინციაში, ქალაქ უხანში ახალი დაუდგენელი ვირუსის გამოვლენის შესახებ განაცხადა.

ვირუსით დაინფიცირების შემთხვევები აღმოჩენილია ჩინეთის მიღმაც, სამხრეთ კორეაში, ტაილანდსა და იაპონიაში.ახალი კორონავირუსით დაავადების პირველი შემთხვევა დაფიქსირდა შეერთებულ შტატებშიც.

ჩინეთში ადასტურებენ, რომ ახალი კორონავირუსი გადამდებია.