კორონავირუსით გარდაცვალების მესამე შემთხვევა დაფიქსირდა უკრაინაში
კორონავირუსით ინფიცირებული 68 წლის მამაკაცი გარდაიცვალა დასავლეთ უკრაინაში ტერნოპოლის ოლქში. ამის შესახებ ტელეარხ „112 უკრაინის“ ეთერში ოლქის გუბერნატორმა განაცხადა.
მისი თქმით, მამაკაცი სხვა დაავადებულებთან კონტაქტის შედეგად დაინფიცირდა. მისი მდგომარეობა საშუალო სიმძიმის იყო.
ბოლო მონაცემებით, უკრაინაში ახალი კორონავირუსის 113 შემხვევაა დადასტურებული. გარდაიცვალა სამი ადამიანი, გამოჯანმრთელებულია ერთი პაციენტი.
