ევროპის ოთხ ქვეყანაში, რომლებიც COVID-19-ის გავრცელების მხრივ მსოფლიოში პირველ ხუთეულში არიან, ბოლო ორ-სამ დღეში შედარებით იკლო კორონავირუსით დაავადების და გარდაცვალების ყოველდღიურმა მაჩვენებელმა. ამას ცხადყოფს ჰოპკინსის უნივერსიტეტის მონაცემები. ესპანეთში, რომელიც აშშ-ის შემდეგ მეორე ადგილზეა, 3 აპრილს დადასტურებული შემთხვევების რაოდენობა 7100-ს აჭარბებდა, ხოლო 5 აპრილს - 5400-ს.

იტალიაში, რომელიც მსოფლიოში მესამე, ევროპაში კი, მეორე ადგილზეა, 4 აპრილს 4 800-ზე მეტი ახალი შემთხვევა დადასტურდა, 5 აპრილს კი - 4300-ზე მეტი. გავრცელების მასშტაბით იტალიას მოსდევს გერმანია, სადაც 3 აპრილს იყო 6300-ზე მეტი ახალი შემთხვევა, ხოლო 5 აპრილს - 4000-ზე მეტი.

ბოლო სამ დღეში ყველაზე საგრძნობი კლებაა მსოფლიოში მეხუთე ადგილზე მყოფ საფრანგეთშიც, სადაც 3 აპრილს ახალი შემთხვევების რაოდენობა 23 ათასს აჭარბებდა, ხოლო 5 აპრილს 2 800-ზე მეტი იყო. ამავე ქვეყანებში შედარებით იკლო გარდაცვალების ყოველდღიურმა მაჩვენებელმაც.