გაერთიანებული ერების ორგანიზაციის ინფორმაციით, კორონავირუსის პანდემიის გამო მსოფლიო "ბიბლიური მასშტაბის" შიმშილობის საფრთხის წინაშე აღმოჩნდება. ინფორმაციას BBC-ი ავრცელებს.

გაეროს მსოფლიოს სურსათის პროგრამის (WFP) ხელმძღვანელი დევიდ ბისლი აცხადებს, რომ კატასტროფის თავიდან ასაცილებლად საჭიროა სასწრაფო მოქმედებების განხორციელება.

"შესაძლოა, სულ რამდენიმე თვეში ბიბლიური მასშტაბის შიმშილობის წინაშე აღმოვჩნდეთ. სიმართლე ითქვას, დრო ჩვენს სასარგებლოდ არ მოქმედებს", - თქვა დევიდ ბისლიმ.

ბისლის მიერ მომზადებულ მოხსენებაში ნათქვამია, რომ შიმშილობის საფრთხის ქვეშ მყოფ ადამიანთა რიცხვი 135 მილიონიდან 250 მილიონამდე გაიზრდება.

განსაკუთრებული საფრთხის ქვეშ იმყოფებიან ის ქვეყნები, რომლებიც ისედაც ძალიან დაზარალდნენ კონფლიქტების, ეკონომიკური კრიზისისა და კლიმატის ცვლილებისგან.

ეს ქვეყნებია: იემენი, კონგოს დემოკრატიული რესპუბლიკა, ავღანეთი, ვენესუელა, ეთიოპია, სამხრეთ სუდანი, სუდანი, სირია, ნიგერია და ჰაიტი.

აღსანიშნავია, რომ კორონავირუსის პანდემიამდე, აღმოსავლეთ აფრიკისა და სამხრეთ აზიის რეგიონის ქვეყნები ნაწილი ისედაც განიცდიდნენ სურსათის მწვავე დეფიციტს, რომელიც გამოწვეული იყო გვალვებით და ათწლეულების განმავლობაში მიმდინარე სხვადასხვა ინფეციური დაავადებით.