გერმანიამ საქართველოს ყველა მეზობელი ქვეყანა - სომხეთი, აზერბაიჯანი, რუსეთი და თურქეთი სარისკო ქვეყნების სიაში შეიყვანა. ინფორმაცია რობერტ კოხის ინსტიტუტის ვებგვერდზე გამოქვეყნდა.

სარისკო ქვეყნების ჩამონათვალში საქართველო არ არის.

გუშინ საქართველოს საგარეო საქმეთა სამინისტრომ გაავრცელა ცნობა, რომ საქართველოდან გერმანიაში ჩასულ მგზავრებს კარანტინის გავლა არ მოუწევთ.

კერძოდ, რობერტ კოხის ინსტიტუტმა [ინფექციურ დაავადებებზე პასუხისმგებელი დამოუკიდებელი ფედერალური ჯანდაცვის საჯარო დაწესებულება] გამოაქვეყნა იმ ქვეყნების სია, რომლებიც რისკის შემცველ ქვეყნებად ითვლება და გერმანიაში ამ ქვეყნებიდან ჩასული მგზავრები სავალდებულო წესით ექვემდებარებიან კარანტინში გადასვლას.

აღსანიშნავია, რომ პანდემიასთან მიმართებაში საქართველოში არსებული დადებითი მდგომარეობის გათვალისწინებით, ქვეყანა არ არის ამ სიაში და შესაბამისად, საქართველოდან ჩასული მგზავრებისთვის არ დგება კარანტინში გადასვლის აუცილებლობა.