ჯანდაცვის მსოფლიო ორგანიზაციის საგანგებო სიტუაციების პროგრამების დირეტქორმა მაიკლ რაიანმა დაასახელა ადგილები, რომლებიც შესაძლოა,  კორონავირუსის ახალი კერები გახდნენ.

მან მიუთითა იმაზე, რომ ბევრ სკოლაში არ არსებობს ხელების ჰიგიენის დაცვის ელემენტარული პირობები, ჯანდაცვის მსოფლიო ორგანიზაციის მონაცემებით, გასულ წელს მთელ მსოფლიოში სკოლების 43 პროცენტს არ გააჩნდა ხელების დასაბანი წყალი და საპონი.

 „სკოლები შესაძლოა გახდნენ ინფექციის ახალი აფეთქების რისკის ზონები სასწავლო წლის დაწყების შემდეგ“, - განაცხადა რაიანმა.

მან ასევე ხაზი გაუსვა, რომ მსოფლიოს მოსახლეობის დიდი ნაწილი კვლავ მოწყვლადია კორონავირუსისადმი და აღნიშნა, რომ აუცილებელია დახურულ შენობებში სამედიცინო ნიღბების ტარება, სოციალური დისტანციის დაცვა და ხალხმარავლი ადგილებისთვის თავის არიდება.