ნაცისტურ გერმანიასა და საბჭოთა კავშირს აკისრიათ პასუხისმგებლობა მეორე მსოფლიო ომის დაწყებისთვის. ამის შესახებ პოლონეთის პრემიერ მინისტრმა მათეუშ მორავეცკიმ განაცხადა ქალაქ ველიუნში პოლონეთზე ფაშისტური გერმანიის თავდასხმის 81 წლისთავისადმი მიძღვნილ ღონისძიებაზე.

  „ეს იყო ტოტალური ომი, რადგან ის წამოიწყო ორმა ტოტალურმა რეჟიმმა. ტოტალურმა მთელი თავისი კონცეფციით, დამანგრეველმა, ბარბაროსულმა და მთელი არსით დანაშაულებრივმა, გენოციდურმა“, - განაცხადა პრემიერმა.  

მან აღნიშნა რომ „ისტორიის ეს გაკევთილი დღესაც უნდა ვიცოდეთ. პრემიერმა გაიხსენა პოლონეთის ყოფილი პრეზიდენტის ლეხ კაჩინსკის სიტყვები: „ყოველი იმპერიალიზმი დაწყევლილი უნდა იყოს“.

 „დასავლეთმა დაუშვა უდიდესი შეცდომა. ეს იყო უმოქმედობა, გაუაზრებლობა, ამ შეცდომის გამეორება დუშვებელია, რადგან მომავლშიც, შესაძლოა, კიდევ უფრო დიდი ტრაგედიები დატრიალდეს“, - განაცხადა მორავეცკიმ.