ინდონეზიის ზოგიერთი პროვინციის ხელისუფლება კორონავირუსთან ბრძოლის ფარგლებში, პირებს, რომლებიც პირბადეებს არ იყენებდნენ, კატაფალკებსა და ბუტაფორიულ კუბოებში ათავსებდა. იუწყება გაზეთი  Jakarta Post-ი.

ქალაქ პრობოლინგოში წესების დამრღვევებს კატაფალკებში ათავსებდნენ, რომლებსაც COVID-19-ით გარდაცვლილთა გადასასვენებლად  იყენებდნენ. იქვე იმყოფებოდნენ, ეპიდემიოლოგიური კონტროლის ან პოლიციის წარმომადგენლები, რომლებიც პანდემიის მასშტაბების შესახებ მათ მონაცემებს აცნობდნენ.

მსგავსი სასჯელი 50-მდე მოვაჭრემ დაიმსხურა Maron Market-ის ბაზრობაზე. მოულოდნელი შემოწმების შედეგად მათ ნიღბები არ აღმოაჩნდათ.

გაზეთის ცნობით, საზოგადოებრივი წესრიგის დაცვის სააგენტოს თანამშრომლები ინდონეზიის დედაქალაქ ჯაკარტაში დამრღვევებს რამდენიმე წუთით ბუტაფორიულ კუბოებში აწვენდნენ, რომლებიც ქუჩებში იყო განთავსებული, გამვლელებს კი მათთვის ფოტოების გადაღების უფლება ჰქონდათ.

მსგავის სასჯელი სულ ცოტა ხნის წინ აღკვეთა სააგენტოს ხელმძღვანელემა, რომელმაც თავის თანამშრომლებს განუცხადა, რომ ეს უკანონო ინიციატივა იყო და მოქალაქეების უფლებებს არღვევდა.

პანდემიის დაწყებიდან ინდონეზიაში კორონავირუსის 197 ათასი შემთხვევა გამოვლინდა, გარდაიცვალა 8 130 ადამიანი.