მაღაზიების ქსელ Duty Free-ს დამფუძნებელმა ჩაკ ფინიმ 8 მილიარდი დოლარი სხვადასხვა საქველმოქმედო ფონდში გადარიცხა და თავისთვის და და ცოლისთვის მხოლოდ ორი მილიონი დოლარი დაიტოვა, რათა სიბერეში უზრუნველად ეცხოვრა.

მედიაში გავრცელებული ინფორმაციით, ფინი ყოველთვის მოკრძალებულად ცხოვრობდა, რათა თანხა შეეგროვებინა და შემდეგ ის ქველმოქმედებისთვის დაეხარჯა. ქველმოქმედება მისი ცხოვრების მთავარი მიზანი იყო.

„ჩვენ ბევრი რამ ვისწავლეთ. უკან რომ ვიყურები, ვხვდები, რომ ზოგიერთი რაღაცის გაკეთება სხვაგვარადაც შეიძლებოდა, თუმცა მე მაინც ძალიან კმაყოფილი ვარ. მიხარია, რომ შევძელი ცხოვრებაში ამ მიზნისთვის მიმეღწია“, - განაცხადა ფინიმ Forbes-თან ინტერვიუში.

ჩაკ ფინიმ ყველას ქველმოქმედებისკენ მოუწოდა და აღნიშნა, რომ ეს საქმე პირველივე შენატანის შემდეგ ყველას მოეწონება.

მთელი თავისი შემოწირულობა ფინიმ თავისი ფონდის Atlantic Philanthropies-ის მეშვეობით ანონიმურად გადარიცხა. გამოცემა აღნიშნავს, რომ ყოფილმა მილიარდერმა თავისი ცხოვრების მიზანს მიმდინარე წლის 14 სექტემბერს მიაღწია და ამის შემდეგ ფონდი დახურა.