ბელარუსის ოპოზიციის ლიდერმა სვიატლანა ციხანოვსკაიამ ჩრდილოვანი მთავრობის ჩამოყალიბება დაიწყო. ინფორმაცია მის Telegram-არხზე ვრცელდება.

„ციხანოვსკაიამ ადამიანის უფლებათა დაცვის წარმომადგენლად ცნობილი ბელარუსი იურისტი და უფლებადამცველი გარი პოგონიაილო დანიშნა. ეკონომიკური რეფორმების წარმომადგენლად - ეკონიმისტი ალექს ალეხნოვიჩი“, - აღნიშნულია განცხადებაში.

პოგონიალო ბელარუსში გახმაურებული საქმეების ადვოკატი იყო, ალეხანოვიჩი ანალიტიკური ცენტრის CASE-Belarus-ის ვიცეპრეზიდენტია, რომელიც ბელარუსისთვის ეკონომიკური რეფორმების მომზადებაზე მუშაობს.„ალიაქსანდრ ლუკაშენკას რეჟიმი მხოლოდ არალეგიტიმური არ არის, ის თავის ამოცანებსაც ვეღარ უმკლავდება. ჩვენ არ შეგვიძლია უმოქმედობა და ყურება, თუ უფრო და უფრო როგორ ეფლობა ქვეყანა კრიზისში. ამიტომ იმისთვის, რომ ვუზრუნველყოთ ახალი არჩევნების ჩატარება, ვაგრძელებ მუშაობას ბელარუსის საზოგადოების ყველა დემოკრატიული ძალების გასაერთიანებლად“, - განაცხადა ციხანოვსკაიამ.